كل يوم واحد من العيلة الغبية دي يروح للسوبر ماركت ويقوله على حاجة تعالو نشوف
اليوم الاول
الواد:عمو عمو عندك ايس كريم بالكوسة
لا
اليوم التانى
الواد:عمو عمو عندك ايس كريم بالكوسة
لا
اليوم التالت
الواد:عمو عمو عندك ايس كريم بالكوسة
لا
وهكذا لحد ما الراجل بتاع السوبر ماركت زهق راح قال هقوله اه وخلاص
اليوم الى بعد كدة
الواد:عمو عمو عندك ايس كريم بالكوسة
قالة اه عندى
راح الواد قالة انا عاوز ايس كريم بالمانجة
البنت: عمو عمو عندك بطيخ اسود
لا مش عندى
البنت: عمو عمو عندك بطيخ اسود
لا مش عندى
البنت: عمو عمو عندك بطيخ اسود
لا مش عندى
وهكذا لحد ما الراجل بتاع السوبر ماركت زهق راح قال هقولها اه وخلاص
البنت عمو عمو عندك بطيخ اسود
قالها اه عندى
قالتة البنت انا عاوزة شمام مستطيل
الراجل اللى واقف فى السوبر ماركت زهق اوى اية العيال الخنقه دي وراح لابوا العيال دي
قاله: يا عم الحاج عيالك كل يوم يجى واحد فيهم يقولى عندك ايس كريم بالكوسة اقوله لا.. يقولى عندك بطيخ اسود اقولة لا لا
ولو قلتله اه
يقولى عاوز ايس كريم بالمانجة وعاوزة شمام مستطيل.. ايه ده.... ياعم الحاج ما تلم عيالك
راح الراجل ابوا العيال قال للراجل بتاع السوبر ماركت :
بص يا سيدى انت مش عندك عصاية مقشة ..راح الراجل بتاع السوبر ماركت قالة اه
راح ابوا العيال قالة ابقى اضربهم بالقلم
--------------------------------------------------------------------------------
الثلاثاء سبتمبر 30, 2008 7:40 am
