فتح باب البيت وهو مكشر وحالته صعب أوي وأول ما دخل
نادى على مراته بصوت عالي
- يا أهل البيت ...... انت فين ؟
- هي : انا هنا يا حبيبي بكوى هدومك
- هو : سيبي المكوه وتعالى عايزك
جاتله بسرعه وعلى وشها أجمل ابتسامة واحلى تعبير
ست ايه؟ في منتهى الجمال والرقه ، برفانها بيدل على كده
- هي نعم يا حبيبى
- هو : حضرى شنطتك هتروحي بيت باباكى كام يوم كدا
- هي بمنتهى القلق خير ؟ في حاجة ؟
- هو : لا أبدا ......... انا اتجوزت عليكي ورايح مع عروستى اقضي شهر العسل ، وميصحش تقعدي في البيت لوحدك المده دى .....
- لو قلت لكم انها حست ان جدران البيت اتهدت عليها ... تصدقونى ؟ لونها بقى ابيض من القطنة والدنيا غامت بيها .kk: kk: .
- هو : اتحركي حضرى الشنطة . مش هستناكى لبكره ، حصلينى ع العربية
- هي : طب والمكوه ...... مين هيخلصها ؟
- هو: مكوة ايه وزفت ايه ؟ اتحركي بسرعة
حضرت الشنطة وهي مش عارفة هي حطت فيها ايه أصلا وأخدتها ونزلت
ونزل هو حطها في شنطة العربية
طول السكة وهى بتضرب أخماس في أسداس ،ومش مصدقه ...... مذهوله ومصدومه
وصلوا لبيت باباها وهو نزل أخد الشنطة وطلعها فوق
فتح لها باب العربية ووقف قدامها وهو بيؤووووووووول
على فكرة انا متجوزتش عليكي ولا حاجة بس با با كى اتوفى النهاردة وكان لازم تيجى بيت أهلك ...... أنا آسف.
تخيلوا رد فعلها كان ازاي ؟
تنفست نفس طويييييل وقالت الحمد لله قضا أخف من قضا ...
كانت بتبتسم ويمكن بتضحك وهي بتبكى ؟
ايه رأيكم ؟ أنا اول ما قريت الموقف ده ضحكت كتيييييير أوي مع انى كنت لسه خارجة من امتحان طوييييل اتعصرنا فيه .
بس أثارالموقف ده حاجات كتير أوى رغم بساطته :
أول حاجة كانت رد فعل الست دى أول ما عرفت ان زوجها تزوج اخرى
تانى حاجة ايه اللى خلا الزوج يعمل كده ، بيهون عليها قضا بقضا تانى ؟.
كان ممكن يعمل حاجات تانية أحسن من كده بالتأكيد .
وكمان ردفعل الست لما عرفت الحقيقة .
قولولى رأيكم والحاجات اللي اثارها الموقف ده في ذهنكم ...
الإثنين سبتمبر 29, 2008 5:55 am
